तमरी फामले हृदय फाट्यालै
मनैनि राख्लो दुक्ख कलेजी काट्टेलै
टन्ज राख्या मेरो मया कसैजिन धेकाया
पख हाली बाँज मेरा मन जिन डुलाया
नौरंगी डाँफे मेरा कोइ आँखा लौन्ना
मया पिरती टोड्डु मेरो दुष्मन औन्ना
एक तोज एक ध्यास काम मन लाया
घरबार बिसरी बाँज मन जिन डुलाया
तमरा गया बाटा हेरी दिन दुक्ख कटौंलो
साइ तमरो फोटो हेरी दिन गणी बितौलो
इजाबुवा आफन्तको दुख चिन्ता हटाया
कुल धरम बिसरी बाँज मन जिन डुलाया
जिऊ झुरी सुकेलै मुइ दुक्ख उठौंलो
रुडीभाडीका बेलालै मुइ फूल फुलौंलो
मया राख्या हिर्दयमा मन धिरो बनाया
घरबार बिसरी बाँज मन जिन डुलाया
सँङ्ङ रे सोपत कसा कसा हुन्ना
खान्या भुलौन्या मतलबी भेटिन्ना
अन्ताज गरी गरी सोपत बनाया
दिन आफना बिसरी बाँज मन जिन डुलाया
बाटो बिसर्या दिनको फेर मति बिसर्या जुनी
ख्याल गर्या इज्जतको जिन भया बैगुनी
मैना चडी रोइबसली घर छाँटो आइझाया
घरबार बिसरी बाँज मन जिन डुलाया
-२०६६माघ १३ गते,काठमाडौं
No comments:
Post a Comment